(42) يَسْأَلُكَ -أَيُّهَا الرَّسُولُ- هَؤُلَاءِ المُكَذِّبُونَ بِالبَعْثِ: مَتَى تَقَعُ السَّاعَةُ؟

(43) لَيْسَ لَكَ عِلْمٌ بِهَا حَتَّى تَذْكُرَهَا لَهُمْ، وَلَيْسَ مِنْ شَأْنِكَ ذَلِكَ، إِنَّمَا شَأْنُكَ الاسْتِعْدَادُ لَهَا.

(44) إِلَى رَبِّكَ وَحْدَهُ مُنْتهَى عِلْمِ السَّاعَةِ.

(45) إِنَّمَا أَنْتَ مُنْذِرُ مَنْ يَخْشَى السَّاعَةَ؛ لِأَنَّهُ الذِّي يَنْتَفِعُ بِإِنْذَارِكَ.

(46) كَأَنَّهُمْ يَوْمَ يَرَوْنَ السَّاعَةَ مُشَاهَدَةً، لَمْ يَلْبَثُوا فِي حَيَاتِهِمْ الدُّنْيَا إِلَّا عَشِيَّةَ يَوْمٍ وَاحِدٍ أَوْ بُكْرَتَهُ.

(42) അല്ലാഹുവിൻ്റെ റസൂലേ! പുനരുത്ഥാനത്തെ നിഷേധിക്കുന്ന ഇക്കൂട്ടർ എന്നാണ് അന്ത്യനാൾ സംഭവിക്കുക എന്ന് താങ്കളോട് ചോദിക്കുന്നു.

(43) അവരോട് അതെന്നാണ് എന്നു പറയാനുള്ള ഒരു അറിവും താങ്കളുടെ പക്കലില്ല തന്നെ. അത് താങ്കൾക്ക് ആവശ്യമുള്ള കാര്യത്തിൽ പെട്ടതുമല്ല. അന്ത്യനാളിന് വേണ്ടി തയ്യാറെടുക്കുക എന്നത് മാത്രമാണ് താങ്കൾ ചെയ്യേണ്ടത്.

(44) താങ്കളുടെ രക്ഷിതാവിങ്കൽ മാത്രമാണ് അന്ത്യനാളിനെ കുറിച്ചുള്ള അറിവ് ഉള്ളത്.

(45) അന്ത്യനാളിനെ ഭയപ്പെടുന്നവർക്ക് താക്കീത് നൽകുന്നവൻ മാത്രമാണ് താങ്കൾ; കാരണം അവർക്ക് മാത്രമേ താങ്കളുടെ താക്കീത് ഫലം ചെയ്യുകയുള്ളൂ.

(46) അന്ത്യനാളിന് അവർ സാക്ഷിയാകുന്ന ദിവസം; തങ്ങൾ ഇഹലോകത്ത് ഒരു സായാഹ്നമോ ഒരു പ്രഭാതമോ മാത്രമേ കഴിച്ചു കൂട്ടിയിട്ടുള്ളൂ എന്നത് പോലെയായിരിക്കും (അവർക്ക് തോന്നുക).