أَلَمْ نُصَيِّرْ الأَرْضَ مُمَهَّدَةً لَهُمْ صَالِحَةً لِاسْتِقْرَارِهِمْ عَلَيْهَا؟!

അവർക്ക് സ്വസ്ഥമായി വസിക്കാൻ യോജ്യമായ നിലയിൽ ഭൂമിയെ നാം ഒരുക്കി കൊടുത്തില്ലേ?

“ഭൂമിയുടെ പ്രതലം വളരെ കട്ടിയുള്ളതായിരുന്നെങ്കിൽ അതിൻ്റെ മുകളിൽ കൃഷി സാധിക്കില്ലായിരുന്നു; നടന്നു പോകാനും പ്രയാസം തന്നെ. ഭൂമി തീർത്തും ലോലമായിരുന്നെങ്കിൽ അതിന് മുകളിൽ ഉറച്ചു നിൽക്കാനും സാധിക്കില്ലായിരുന്നു. എന്നാൽ മനുഷ്യർക്ക് ഉപകാരപ്രദമായ രൂപത്തിൽ അല്ലാഹു അതിനെ സംവിധാനിച്ചിരിക്കുന്നു.” (ഉഥൈമീൻ: 22)

وَجَعَلْنَا الجِبَالَ عَلَيْهَا بِمَنْزِلَةِ أَوْتَادٍ تَمْنَعُهَا مِنَ الاضْطِرَابِ.

ഭൂമി ഇളകി പോകാതിരിക്കുന്നതിനായി നാം അതിന് മുകളിൽ ആണികളെ പോലെ നിലകൊള്ളുന്ന പർവ്വതങ്ങളെ നിശ്ചയിച്ചില്ലേ?

وَخَلَقْنَاكُمْ -أَيُّهَا النَّاسُ- أَصْنَافًا: مِنْكُمْ الذُّكْرَانُ وَالإِنَاثُ.

അല്ലയോ ജനങ്ങളേ! വ്യത്യസ്ത വർഗങ്ങളായി നിങ്ങളെ നാം സൃഷ്ടിക്കുകയും ചെയ്തിരിക്കുന്നു; നിങ്ങളിലും പുരുഷന്മാരും സ്ത്രീകളുമുണ്ട്.

وَجَعَلْنَا نَوْمَكُمْ انْقِطَاعًا عَنِ النَّشَاطِ لِتَسْتَرِيحُوا.

ജോലിത്തിരക്കുകളിൽ നിന്നൊരു വിശ്രമമായി നിങ്ങളുടെ ഉറക്കത്തെ നാം നിശ്ചയിച്ചിരിക്കുന്നു.

“ഉറക്കം ക്ഷീണത്തെ ഇല്ലാതെയാക്കുന്നു. ഉന്മേഷമുള്ളവനായി മുന്നോട്ടു പോകാൻ അതവനെ സഹായിക്കുന്നു. അല്ലാഹുവിൻ്റെ അനുഗ്രഹങ്ങളിൽ പെട്ട, അവൻ്റെ മഹത്തരമായ ഒരു ദൃഷ്ടാന്തം തന്നെയാണ് ഉറക്കം.” (ഉഥൈമീൻ: 22)

وَجَعَلْنَا اللَّيْلَ سَاتِرًا لَكُمْ بِظُلْمَتِهِ مِثْلَ اللِّبَاسِ الذِّي تَسْتُرُونَ بِهِ عَوْرَاتِكُمْ.

രാത്രിയെ അതിൻ്റെ ഇരുട്ട് കൊണ്ട് നിങ്ങൾക്കൊരു മറയായി നാം നിശ്ചയിച്ചിരിക്കുന്നു; ന്യൂനതകൾ മറക്കുന്ന നിങ്ങളുടെ വസ്ത്രം പോലെയാണത്.

“ഭൂമിയെ സംബന്ധിച്ചിടത്തോളം രാത്രി ഒരു വസ്ത്രം പോലെ തന്നെയാണ്. വിമാനത്തിൽ പറന്നവർക്ക് ഇക്കാര്യം പൂർണ്ണമായി മനസ്സിലാകും. സൂര്യൻ അസ്തമിച്ച ഉടനെ വിമാനത്തിൽ കയറുകയും, അത് ഉയർന്നു പൊങ്ങുകയും ചെയ്താൽ താഴെ ഭൂമി ഒരു കരിമ്പടം പുതച്ചതു പോലെ കാണാൻ കഴിയും.” (ഉഥൈമീൻ: 23)

وَجَعَلْنَا النَّهَارَ مَيْدَانًا لِلْكَسْبِ وَالبَحْثِ عَنِ الرِّزْقِ.

പകലിനെ നാം സമ്പാദിക്കാനും ഉപജീവനം അന്വേഷിക്കാനുമുള്ള വേദിയായിക്കിയിരിക്കുന്നു.