إِنَّ يَوْمَ الفَصْلِ بَيْنَ الخَلَائِقِ كَانَ مَوْعِدًا مُحَدَّدًا بِوَقْتٍ لَا يَتَخَلَّفُ.

തീർച്ചയായും സൃഷ്ടികൾക്കിടയിൽ വിധിനിർണ്ണയിക്കപ്പെടുന്ന ദിവസത്തിൻ്റെ സമയം നിശ്ചയിക്കപ്പെട്ടിരിക്കുന്നു; അത് ഒരിക്കലും (അതിൻ്റെ സമയത്തിൽ നിന്ന്) വൈകുന്നതല്ല.

“പരലോകത്തിൻ്റെ പേരുകളിലൊന്നാണ് ‘യൗമുൽ ഫസ്വ് ൽ’; വിധിനിർണ്ണയത്തിൻ്റെ ദിവസം എന്നർത്ഥം. ജനങ്ങൾക്കിടയിലുണ്ടായ അഭിപ്രായവ്യത്യാസങ്ങളിൽ അല്ലാഹു വിധി പറയുന്ന ദിനമാണത്. സത്യത്തിൻ്റെയും അസത്യത്തിൻ്റെയും ആളുകൾക്കിടയിലും, നിഷേധത്തിൻ്റെയും വിശ്വാസത്തിൻ്റെയും വക്താക്കൾക്കിടയിലും, അതിരുവിട്ടവർക്കും മിതത്വം പാലിച്ചവർക്കുമിടയിലും അന്നേ ദിവസം അല്ലാഹു വിധി പറയുന്നതാണ്. സ്വർഗക്കാരെയും നരകക്കാരെയും അവൻ അന്നേ ദിവസം വേർതിരിക്കുകയും ചെയ്യുന്നതാണ്.” (ഉഥൈമീൻ: 25)

يَوْمَ يَنْفُخُ المَلَكُ فِي القَرْنِ النَّفْخَةَ الثَّانِيَةَ، فَتَأْتُونَ -أَيُّهَا النَّاسُ- جَمَاعَاتٍ جَمَاعَاتٍ.

മലക്ക് കാഹളത്തിൽ രണ്ടാമത് ഊതുന്ന ദിവസം; -ജനങ്ങളേ!- നിങ്ങളെല്ലാം കൂട്ടംകൂട്ടമായി വന്നെത്തുന്നതാണ്.

“കാഹളത്തിൽ ഊതാൻ ഏൽപ്പിക്കപ്പെട്ട മലകിൻ്റെ പേര് ഇസ്റാഫീൽ എന്നാണ്. അദ്ദേഹം രണ്ട് തവണ കാഹളത്തിൽ ഊതുന്നതാണ്.

ആദ്യത്തെ തവണ കാഹളത്തിൽ ഊതിയാൽ ജനങ്ങൾ ഭയചകിതരാവുകയും, അവർ നിലംപതിക്കുകയും ചെയ്യുന്നതാണ്.

രണ്ടാമത്തെ തവണ കാഹളത്തിൽ ഊതിയാൽ അവർ തങ്ങളുടെ ഖബറുകളിൽ നിന്ന് എഴുന്നേൽപ്പിക്കപ്പെടുകയും, അവരുടെ ആത്മാവുകൾ ശരീരത്തിലേക്ക് മടക്കപ്പെടുകയും ചെയ്യുന്നതാണ്.

മനുഷ്യർ കൂട്ടംകൂട്ടമായി വന്നെത്തുന്നതാണ് എന്നത് കൊണ്ടുള്ള ഉദ്ദേശം ഓരോ ജനതയും വേറെവേറെ വന്നെത്തുന്നതാണ് എന്നായിരിക്കാം. വല്ലാഹു അഅ്ലം.” (ഉഥൈമീൻ: 26)

وَفُتِحَتِ السَّمَاءُ فَصَارَ لَهَا فُرُوجٌ مِثْلُ الأَبْوَابِ المُفَتَّحَةِ.

ആകാശം തുറക്കപ്പെടും. തുറന്നിട്ട വാതിലുകൾ പോലെ അതിൽ വിടവുകൾ ഉണ്ടായിരിക്കും.

وجُعِلَتِ الجِبَالُ تَسِيرُ حَتَّى تَتَحَوَّلَ هَبَاءً مَنْثُورًا، فَتَصِيرَ مِثْلَ السَّرَابِ.

പർവ്വതങ്ങൾ സഞ്ചരിപ്പിക്കപ്പെടും; അവ ഊതിപ്പറത്തിയ ധൂളികൾ ആയിത്തീരും. അങ്ങനെ അവ മരീചിക പോലെയാവുകയും ചെയ്യും.